Mae Cerddorfa Linynnol Prifysgol Bangor (BUSO) yn gerddorfa o fyfyrwyr a fydd fel arfer yn cyflwyno dau gyngerdd y flwyddyn, yn ogystal â chreu cyfleoedd ar gyfer unawdwyr, arweinwyr a chyd gerddorion. Mae'r grŵp yn agored i offerynwyr llinynnol o unrhyw safon, ac rydym yn ymfalchïo yn ein hamrywiaeth eang iawn o repertoire cerddorfa linynnol, ein hawyrgylch gyfeillgar a chynhwysol, a'n hymrwymiad i'r teulu llinynnol.

Rydym yn gwneud ein gorau i roi benthyg offerynnau i'r rhai hynny sydd eisiau dysgu ac yn hapus i helpu pobl i ddatblygu eu talent mewn amgylchedd cefnogol, felly mae croeso i bawb gysylltu â ni trwy'r cyfryngau cymdeithasol a byddwn yn sicr yno ar eich cyfer!

Bydd ein pwyllgor yn chwilio am ffyrdd newydd o redeg y gymdeithas y gorau y gallwn wrth i ni ymdopi â’r newidiadau i reoliadau cymdeithasol, a byddwn yn addasu i gyd-gyfarfod unwaith eto i greu cerddoriaeth gyda'n gilydd ar yr adeg iawn.