Dydd Iau 11-04-2024 - 15:05

Rydym yn mwynhau dathlu llwyddiant yma yn Undeb Bangor, ac mae hynny’n cynnwys nid yn unig llwyddiant myfyrwyr, ond hefyd llwyddiant y bobl sy’n gwneud eich profiad myfyriwr yn ddidrafferth ac yn gofiadwy. Dyna pam ein bod ni'n anrhydeddu landlordiaid yn ardal Bangor bob blwyddyn. Gwobr ydy hon sy’n cael ei dyfarnu mewn cydweithrediad â'r swyddfa dai ym Mhrifysgol Bangor.

Rydym yn falch iawn o gyhoeddi mai’r enillwyr ydy:

- Aled Davies: Enillydd y wobr aur

- Richard Tyler: Enillwyr y wobr arian

- Awena Pritchard-Roberts a Dave Roberts: Enillwyr y wobr efydd

Hoffem hefyd longyfarch y landlordiaid ar y rhestr fer:

- Justine Worsley

- Kate Roden

- Manon Griffiths

- Rene Evans

- Gareth Wyn Rowlands

- Helen McCluskey

Chi fel corff myfyrwyr fuodd yn bwrw pleidlais dros bob landlord, a hoffem gydnabod a diolch i chi am eich cyfraniad. Os ydych yn chwilio am dŷ y flwyddyn nesaf, cadwch lygad am sticer y gwobrau tai yn ffenestri eiddo o amgylch Bangor! Llongyfarchiadau unwaith eto i bawb, a daliwch ati gyda’r gwaith da – mae’n cael ei werthfawrogi’n arw!