Dydd Llun 08-07-2024 - 11:23

Mae'r Brifysgol wedi ymddangos mewn pum categori yng ngwobrau ‘Best UK Universities’ StudentCrowd 2024. Mae hyn yn cynnwys y un gwobr yn y 10 safle uchaf - #10 Y Tiwtoriaid Personol Gorau. Mae’r Brifysgol hefyd yn ymddangos yn yr 20 uchaf ar gyfer pedwar categori arall.

 

#10 Y Tiwtoriaid Personol Gorau

#13 Gwerth Gorau am Arian

#15 Ansawdd Addysgu Gorau

#16 Clybiau a Chymdeithasau Gorau

#17 Cynnwys Cwrs Gorau

 

Bellach yn eu nawfed blwyddyn, mae gwobrau StudentCrowd yn seiliedig ar adolygiadau myfyrwyr yn unig.

Dywedodd un myfyriwr a raddiodd eu profiad ym Mangor yn uchel:

"Mae Prifysgol Bangor yn cynnig cyfleusterau campws ardderchog ar gyfer astudio ac amser hamdden, fy ffefryn personol yw'r llyfrgell ym mhrif adeilad y celfyddydau! Mae yna hefyd ddewis helaeth o glybiau a chymdeithasau I fyfyrwyr ymuno â i wneud ffrindiau newydd sy'n rhannu'r un hobïau a diddordebau â nhw. Roedd y Gwasanaeth Gyrfaoedd hefyd yn help mawr i mi, yn hynod o ddefnyddiol i fyfyrwyr sy'n edrych i archwilio eu dewisiadau gyrfa!"

Rhoddwyd y safleoedd yn seiliedig ar y sgôr adolygu gyfartalog dros gyfnod o 24 mis rhwng Mehefin 2022 a Mehefin 2024, gyda chyfanswm o 31,564 o adolygiadau o brifysgolion yn cael eu hasesu yn ystod y cyfnod hwnnw.

Croesawodd yr Athro Oliver Turnbull, Dirprwy Is-Ganghellor, y canlyniadau gan ddweud "Rydym yn falch gweld bod Bangor yn ymddangos yn y 20 uchaf ymhlith nifer o gategorïau ar gyfer Gwobrau eleni. Mae adolygiadau yma yn darparu gwybodaeth werthfawr i'n galluogi i adeiladu ar y gwaith gwych sydd eisoes yn cael ei wneud ar draws y campws."

Am fanylion pellach ewch i StudentCrowd University Awards 2024