Nod y project gwirfoddoli hwn, sydd dan arweiniad myfyrwyr, yw cefnogi'r gymuned leol yn sgil yr Argyfwng Costau Byw. Mae gwirfoddolwyr yn coginio 50-70 o brydau poeth bob dydd Sadwrn ac yna’n eu gweini yn Neuadd Cyngor Dinas Bangor i unrhyw un sydd mewn angen. Ymhlith y prydau blaenorol a weinir y mae pasta, tacos a phrydau reis, ac mae pawb yn gadael yn llawn dop! Mae dros 10 o Glybiau Chwaraeon y Brifysgol wedi cefnogi’r project hwn trwy wirfoddoli ochr yn ochr â’r tîm rheolaidd o wirfoddolwyr a thrwy godi arian. Gallwch gofrestru i wirfoddoli yn y project hwn trwy glicio ar y ddolen HON!